VOV4.Jarai - Tŏ tui mông jơnum lok 11, mơguah lơ 1/4, yŭ tơlơi git gai mơng Khua git gai pơ ala mơnuih ƀon sang dêh čar ơi Vương Đình Huệ, Khua mua pơphun ruah Kơ-iăng khua pơ ala mơnuih ƀon sang dêh čar tui hơdră plĕ hră hơgŏm. Tơdơi kơ anun, Khua mua pơsit hră ruah ơi Trần Thanh Mẫn, Ding kơna Ding jum kơđi čar, Khua Jơnum min djŏp djuai ania mơnuih mơnam Việt Nam; ơi Nguyễn Đức Hải, Ding kơna apăn bruă Ping gah, Khua Jơnum min prăk kăk mơng Ƀirô khua pơ ala mơnuih ƀon sang dêh čar hăng ơi Nguyễn Khắc Định, Ding kơna apăn bruă Ping gah, Khua git gai Ping gah tơring čar Khánh Hoà ngă Kơ-iăng khua git gai pơ ala mơnuih ƀon sang dêh čar Việt Nam. Pơ ala kơ Khua mua, Khua git gai pơ ala mơnuih ƀon sang dêh čar ơi Vương Đình Huệ hơ-ơč hmưi hăng brơi bơnga kơ 3 čô Kơ-iăng khua git gai pơ ala mơnuih ƀon sang phrâo ruah.

Siu H’Mai: Pơblang