VOV4.Jarai-Mơguah lơ 26/4, Jơnum min ruah khua ƀôn prong Đà Nẵng jơnum lok 4 phuă anăn mơnuih či ruah ngă pô pơ ala mơnuih ƀôn sang dêh čar tal XV hăng ƀing pơ ala mơnuih ƀôn sang rơwang bruă thun 2021-206; pok pơhai akŏ bruă bưp mơnuih ƀôn sang mơ̆ng ƀing tơbiă anăn pioh ruah ngă pô pơ ala mơnuih ƀôn sang gưl dêh čar hăng pô pơ ala djop gưl amăng ƀôn prong.

Jơnum min Ruah khua ƀôn prong Đà Nẵng jơnum lok 4

Ding kơna ding jum kơđi čar, khua gum bruă git gai ping gah dêh čar, ơi Võ Văn Thưởng Gơnong dlông lăi pơthâo nao tơbiă anăn pơ ƀôn prong Đà Nẵng. Jơnum anai, ƀing khua mua phuă hĭ anăn mơnuih tơbiă anăn pioh ruah ngă pô pơ ala gưl dêh čar hăng pơ ala djop gưl amăng ƀôn prong Đà Nẵng tui hluai anih plĕ hră ruah khua.

Tui hăng anun, ƀôn prong Đà Nẵng hơmâo 10 cô mơnuih tơbiă anăn pioh ruah ngă pô pơ ala dêh čar tal XV, amăng anun 2 čô mơ̆ng gơnong dlông lăi pơthâo jing ding kơna ding jum kơđi čar, khua gum bruă git gai ping gah ơi Võ Văn Thưởng hăng yă Nguyễn Thị Kim Thúy, ding kơna apăn bruă phun Jơnum min djop bruă mơnuih mơnam mơ̆ng sang bruă khua pơ ala mơnuih ƀôn sang dêh čar.

            Nay Jek: Pơblang