VOV4.Jarai - Mơguah tom brơi (31/3), Khua pơ ala mơnuih ƀon sang dêh čar hơmâo pơgiong bruă ruah Khua git gai wai lăng pơ ala monuih ƀon sang dêh čar tal XIV, Khua Khul pơphun plĕ hră ruah khua dêh car plih hĭ yă Nguyễn Thị Kim Ngân- khua hơmâo arăng brơi pơdơi bruă. Hăng mrô hră dong yua lu hloh, ơi Vương Đình Huệ - Ding kơna Ding jum kơđi čar, Khua git gai Ping gah ƀôn prong Hà Nội, Khua khul Khua pơ ala mơnuih ƀon sang ƀôn prong Hà Nội hơmâo ruah đĭ ngă khua git gai wai lăng pơ ala mơnuih ƀon sang dêh čar tal XIV, Khua khul pơphun plĕ hră ruah khua dêh čar. Tơlơi pơsit ruah ơi Vương Đình Huệ đĭ ngă khua hơmâo khua mua dong yua hăng 473 amăng 473 pok hră (dưm dưm 98,54% mrô khua mua pơ ala mơnuih ƀon sang).

Đĭ pơhiăp amăng mông đĭ ngă khua, Khua git gai wai lăng pơ ala mơnuih ƀon sang dêh čar phrâo ơi Vương Đình Huệ ƀuăn amra mă bruă abih pran jua, hrŏm hăng khul apăn bruă Khua pơ ala mơnuih ƀon sang dêh čar ta, hơdôm anom bruă hăng abih bang khua mua pơ ala mơnuih ƀon sang  djă pioh hăng tŏ ngă tui gru grua giam klă kah hăng hơdôm tơlơi dưi prong prin mơng Khua pơ ala mơnuih ƀon sang dêh čar ta amăng djop rơnuk, tŏ tui pơplih phrâo,mă bruă klă ƀiă dong, tŭ yua yua kơ tơlơi dưi kơ lŏn ia, djuai ania, yua kơ tơlơi hơdip yâo mơ-ak kơ mơnuih ƀon sang.

Siu Đoan: Pơblang