VOV4.Jarai-Prăp lui či truh bơyan hơjan hlim, Kông ty apui lơtrik Dak Lak hơmâo prăp lui hơdră pơhlôm pơgang tơlơi truh lŏn adai ngă.

Mơnuih mă bruă pơkra ming anŏ ngă tơdu čơtăng apui hlâo kơ bơyan hlim ia ling dăo

Ayuh hyiăng thun 2021 ƀuh lui hlâo amra tơnap tap biă mă, yua kơ anun Pc Dak Lak tañ ngă kjăp bruă mă, git gai, grup kơsung nao pơ anăp pơhlôm, pơgang tơlơi truh lŏn adai ngă hăng hơduah ĕp mơnuih amăng mông hơmâo tơlơi truh, pơpha bruă mă kơ rĭm mơnuih mă bruă. Hrom hăng anun, dŏ hơmâo Grup mă bruă amăng sang bruă prăp lui bong glăi hăng mông tơnap tap hluh hơmâo tơlơi truh ječ ameč.

Pơtop hrăm pơsir glăi tañ hrĕ apui lơtrik răm joh tơdơi kơ rơbŭ kơthel

Djop sang bruă apui lơtrik prăp lui gơnam yua mă bruă, rơdêh, anŏ mă bruă pơsir tơlơi truh răm ƀăm hmao kru. Phrâo anai, ƀơi să Ƀuôn Triêt, tơring glông Lak, mơnuih mă bruă mơ̆ng anom bruă apui lơtrik amăng Dak Lak pơphun pơtop hrăm mă bruă amăng mông ječ ameč, pơhlôm pơgang hăng ĕp mơnuih hơmâo tơlơi truh lŏn adai ngă, djru pơđĭ tui tơlơi thâo thăi git gai hăng tơlơi thâo mă bruă pơsỉ anŏ răm ƀăm amăng mông hơmâo tơlơi truh.

Nay Jek: Pơblang