VOV4.Jarai - Kông ti Apui lơtrik Dak Nông phrâo pơphun jơnum pơtô kơ bruă yua apui thâo pơkrem hăng rơnuk rơnua amăng sang hră, hăng anăn “Čơđai sang hră hăng tơlơi thâo hluh yua apui pơkrem, rơnuk rơnua, tơlơi djru gah điện tử” ƀơi Sang hră gưl sa Nguyễn Bá Ngọc (plơi prong Gia Nghiã). Ƀơi mông jơnum, ƀing čơđai hơmâo pơtô pơblang, pơƀuh boh thâo mă yua apui lơtrik, ƀơk hơdrôm hră pơtô brơi yua apui thâo pơkrem. Ƀing čơđai ăt hmư̆ tơlơi tơña, lăi glăi tơlơi tơña kơ: hơdră yua apui amăng sang anŏ hiư̆m pă kianwg klă, thâo pơkrem, hrơi mông yua apui lu hloh...

Čơđai sang hră hơduah ĕp mă yua apui lơtrik hiư̆m kiăng huăi hrŏ.

PC Dak Nông brơi 30 klăk prăk kơ Sang hră gưl sa Nguyễn Bá Ngọc.

Ƀrô hrơi anai mơn, Kông ti apui lơtrik Dak Nông brơi 30 klăk prăk kơ Sang hră gưl sa Nguyễn Bá Ngọc pioh khuer ia bơmun bơwih brơi bruă yua ia amăng sang hră. Tui hăng akŏ bruă, amăng blan 4 hăng blan 5/2021, PC Dak Nông amra ngă hrŏm hăng Gơnong bruă Pơtô hăng Pơjuăt bruă tơring čar Dak Nông pơphun ngă lu jơlan hơdră jơnum pôr pơthâo bruă yua apui lơtrik thâo pơkrem hăng rơnuk rơnua ƀơi hơdôm boh sang hră ƀơi tơring čar.

Siu H’Mai: Pơblang