VOV4.Jarai - Mơguah lơ 15/4, grup mă bruă mơng Jơnum min ruah khua dêh čar yua Thượng tướng Võ Trọng Việt, Khua Jơnum min wai pơgang rơnuk rơnua, Kơ-iăng khua apăn bruă Grup wai lăng rơnuk rơnua hăng Ia jrao ngă khua ba jơlan hơmâo mông ngă bruă hăng Jơnum min ruah khua tơring čar Dak Lak kơ pơhlôm rơnuk rơnua hơđong kơjăp hăng ia jrao gun amăng hrơi ruah khua. Kơ bruă pơhlôm rơnuk rơnua hơđong kơjăp hăng ia jrao hơmâo bong kơjăp mơn, aka ƀu ƀuh tơlơi glêh tơnap hơget ôh, aka hơmâo tơlơi rung răng ngă sat kơ tơlơi rơnuk rơnua ruah khua ôh. Ƀơi mông ngă bruă, Thượng tướng Võ Trọng Việt bơni biă mă kơ bruă pơhlôm rơnuk rơnua hăng ia jrao kơ bruă ruah khua mơng tơring čar Dak Lak, laih dong pơtă kơ tơring čar kiăng lăng ba hloh dong wai lăng kơjăp kual guai lŏn ia đah mơng huăi dŏ kơtuă tơdah hơmâo tơlơi truh.

Siu H’Mai: Pơblang