VOV4.Jarai-Tlam lơ 26/4, Ding jum Bruă mă-Tơhan rơka hăng Mơnuih mơnam ngă hrom Khul čih pioh ASEAN, Hơdră ngă hrom kual ASEAN amăng bruă pơtô bruă mă pơphun jơnum pơdah “Hră lăi pơthâo kơsem min mơ̆ng kual kơ bruă amra pơđĭ kyar mrô mơnuih mă bruă amăng ASEAN” jơnum lăng nao rai amăng tivi.

Jơnum anai, hơmâo Khul čih pioh kual ASEAN, ƀing pơtruh nao rai, bruă mă, pơtô hră, hăng bơwih ƀong huă mơ̆ng hơdôm dêh čar ngă ding kơna ASEAN, khua mua pơ ala djop anom bruă amăng kual ASEAN hăng hơdôm anom bruă jar kmar pơdjơ̆ nao.

Anai lĕ bruă mă kiăng pơtrut ngă tui Tơlơi pôr hrom ASEAN kơ bruă pơđĭ kyar mơnuih mă bruă brơi rŏng lŏn tơnah amăng tơlơi hlăk bơblih bruă mă. Hră lăi pơthâo hơmâo ba tơbiă bruă kiăng ngă yom pơtrut hrăm hră, hrăm bruă na nao tơl tha hrom hăng hrăm anŏ mă yua boh thâo ia rơgơi kơñ pơgi ni anăp.

Mơ̆ng anun, rơkâo ĕp bruă kiăng ngă tui amăng kual, amăng dêh čar laih anun pơtrut hơdră čih pơkra tơlơi phiăn kơ pơđĭ kyar mrô mơnuih mă bruă brơi rŏng lŏn tơnah tơlơi glăk bơblih ră anai.

Nay Jek: Pơblang