VOV4.Jarai - Lơ 4/5, ƀơi Hà Nội, Ding jum kông ang pơphun jơnum hăng Khul git gai Kơcăo bruă pơjing hră pơ-ar djă pioh dêh čar kơ mơnuih ƀon sang hăng Kơčăo bruă pơkra  hăng wai lăng hră căn cước. Tui hăng lăi pơthâo, hrơi blan ngă tui kơčăo bruă ngă hră pơ-ar djă pioh brơi mơnih ƀon sang hơmâo dưm hrŏm amăng plang pơhing rơbêh 98 klăk čô mơnuih amăng đơ đam dêh čar hăng glăk amăng hrơi blan ngă pơgiong hăng hơnong pơkă amra čih pơkra glăi djơ̆ brơi abih bang mơnuih ƀon sang hlâo kơ lơ 1/7/2021.

Truh lơ 27/4, abih bang hră pơ-ar ba nao ngă căn cước mơng Kông ang 63 boh tơring čar lĕ giăm 34 klăk pok hră pơ-ar, truh pơ giăm 68% pơhmu hăng hơnong pơkă 50 klăk pok hră pơ-ar. Bruă pơlir hơbit, pơlăi nao rai, ră anai Ding jum kông ang hơmâo gum hrŏm hăng Hră pơhlôm nua mơnuih mơnam Việt Nam, Ding jum phiah phiăn, anom bruă wai lăng bruă ngă hră pơ-ar - anom bruă kơnuk kơna, anom bruă mă jia - Ding jum prăk kak tŭ ư hăng hơdôm hơdră mă yua măi mok kiăng amuñ pơlăi nao rai.

Siu Đoan: Pơblang