VOV4.Jarai - Mơguah lơ 2/4, Khul čơđai sang hră gưl prong Việt Nam ƀôn prong Cần Thơ pơphun pok anom bruă djru brơi ƀing đai sang hră djop gưl. Anih pơdong ƀơi sang mrô 776 - jơlan 30/4 - phường Hưng Lợi - kuận Ninh Kiều - ƀôn prong Cần Thơ, anom bruă amra djru brơi ƀing čơđai hrăm hră dưi pơbưp pơhrăm nao rai, kơsem min boh thâo phrâo, dưi pơhưč ƀing mơnuih amăng lŏn ia hăng tač rơngiao kiăng kơ djru brơi ƀing čơđai hrăm hră; djru lăi pơthâo, ĕp brơi bruă mă, ba mơnuih mă bruă thâo rơgơi nao mă bruă ƀơi hơdôm kông ti, anom bơwih ƀong sĭ mơdrô; črâo brơi anih nao hrăm pơ tač rơngiao; pơphun hơdôm bruă djru hăng pơtô brơi hơdôm tơlơi thâo gah rơngiao, tơlơi thâo lơ̆m mut hrŏm bơwih ƀong huă jar kmar, thâo hơdip brơi ƀing čơđai sang hră; hơdôm bruă pơtô hrăm tui hơđăp, pơtô tơlơi hơdip hiam … Amăng mông pok anom bruă ăt hơmâo kĭ tơlơi pơkôl hăng tŭ mă tơlơi gum djru mơng hơdôm anom bơwih ƀong sĭ mơdrô, kông ti hơmâo: 4  anung prăk apah brơi ƀing čơđai hyu gum djru amăng jar kmar nua ñu 8.000 đôlar Mi hăng 200 account hrăm tơlơi Angle amăng App nua ñu 40 klăk prăk ….

Siu Đoan: Pơblang