VOV4.Jarai - Mơguah lơ 27/4, ƀơi Ƀirô mă bruă Khua pơ ala mơnuih ƀôn sang dêh čar ta, pok phun mông Jơnum tal 55 mơng Jơnum min apăn bruă Khua pơ ala mơnuih ƀôn sang dêh čar ta. Pơphun amăng 1 hrơi, mông jơnum anai Jơnum min apăn bruă Khua pơ ala mơnuih ƀôn sang dêh čar ta gum pơhiăp yak blung a kơ bruă prăp lui tal jơnum lok sa, Khua pơ ala mơnuih ƀôn sang dêh čar ta tal 15. Jơnum min apăn bruă Khua pơ ala mơnuih ƀôn sang dêh čar ta pel ĕp, pơsit kơ jơlan gah mă yua prăk pơkrem mă yua hăng prăk dô̆ glăi mơng ngăn drăp kơnuk kơna thun 2020. Pơsit bôh tơhnal tal jơnum lok 11, Khua pơ ala mơnuih bôn sang dêh čar ta tal 14 hăng gum pơhiăp yak blung a kơ bruă prăp lui tal jơnum lok sa, Khua pơ ala mơnuih ƀôn sang dêh čar ta tal 15. Pel ĕp, pơsit bruă mă yua dong mrô ngăn rơnoh dô̆ glăi mơng Tơlơi pơtrun pơsit mrô 324 mơng Jơnum min apăn bruă Khua pơ ala mơnuih ƀôn sang dêh čar ta tal 14 kiăng tuh pơplai pơdŏng hơdôm rơwang bruă ƀirô pơ ala kơ Việt Nam pơ̆ dêh čar tač rơngiao amăng rơwang 2021-2025. Pel ĕp tơlơi pơsit bruă pơhrua nao dong prăk blơi pơ ala nao vaccine, jrao pơdjai kơman hăng djuai phun pla lŏn ia ta. Ăt amăng mông jơnum anai mơn, Jơnum min apăn bruă Khua pơ ala mơnuih ƀôn sang dêh čar ta pel ĕp, pơsit bruă pơdŏng, pơplih pơkra anih anom sa dua bôh anom mă bruă čar ƀơi 5 bôh tơring čar, ƀôn prong lĕ: Hà Nội, Thừa Thiên Huế, Thanh Hóa, Đồng Nai, Tuyên Quang./.

Siu H’ Prăk: Pô pơblang