VOV4.Jarai - Mơguah lơ 14/4, ƀơi Hà Nội, Jơnum ngui bruă sĭ mơdrô jar kơmar Việt Nam tal 30 (VIETNAM EXPO 2021) hmâo pok pơhai. Jơnum ngui sang čơ tal anai ngă pơhưč 320 bôh anom bơwih ƀong amăng lŏn ia ta hăng jar kơmar gum hrom lăi pơthâo gơnam tam hăng tô nao rai sĭ mơdrô. Pơphun amăng 4 hrơi, mơng ră anai truh kơ 17/4, Vietnam Expo lĕ jơnum ngui bruă sĭ mơdrô jar kơmar pơphun mơng thun 2021, hmâo tơlơi gum hrom mrô prong hơdôm bôh anom bơwih ƀong dêh čar tač rơngiao hluai tui hơdră gơnam pơdă mơng ataih mơng hơdôm bôh dêh čar kah hăng: Mi, Japan, Đức, Nga, Khač, Hàn Quốc... Jơnum ngui bruă sĭ mơdrô Vietnam Expo tal 30 hmâo akô ñu “Vietnam Expo – Gum hrom anom bơwih ƀong amăng rơnuk yua mrô”. Tơlơi lăp đing nao tal jơnum ngui anai lĕ, mă yua hơdră pơdă prưng pơkĕ hrom, hăng hơdră gơnam pơdah amăng tivi plah nao rai kơplah wah ƀut gơnam mơng ataih, pơkĕ hrom bruă pơdah amăng tivi./.

Siu H’ Prăk: Pô pơblang