VOV4.Jarai - Tlam lơ 31/3, ƀơi Ƀirô khua pơ ala mơnuih ƀon sang dêh čar, Ding jum Tơlơi phiăn ngă hrŏm hăng Anom bruă khua pơ ala mơnuih ƀon sang dêh čar pơphun pơplông amăng internet “Hơduah ĕp tơlơi phiăn tơlơi phiăn ruah khua pơ ala mơnuih ƀon sang dêh čar hăng Khua Jơnum min pơ ala mơnuih ƀon sang”. Abih bang mơnuih Việt Nam amăng dêh čar hăng gah dêh čar tač rơngiao dưi čih anăn pơplông amăng Plang pôr pơhing điện tử Ƀirô khua pơ ala mơnuih ƀon sang dêh čar; Plang pôr pơhing điện tử Ding jum Tơlơi phiăn; Plang pôr pơhing điện tử mơng Khul wai lăng bruă ruah khua; plang pôr pơhing điện tử pơtô pơblang tơlơi phiăn; Plang điện tử Anom pôr pơhing pơdah rup Ƀirô khua pơ ala mơnuih ƀon sang dêh čar Việt Nam; Hră pơhing Điện tử khua pơ ala mơnuih ƀon sang hăng Hră pơhing Tơlơi phiăn Việt Nam điện tử. tơlơi pơplông lĕ tơlơi tơña kơ Tơlơi phiăn ruah khua pơ ala mơnuih ƀon sang dêh čar hăng Khua jơnum min pơ ala mơnuih ƀon sang djŏp gưl thun 2015; sa, dua tơlơi pơkôl pơkă mơng Phiah phiăn dêh čar, Tơlơi phiăn anom bruă Ƀirô khua pơ ala mơnuih ƀon sang dêh čar, Tơlơi phiăn git gai plơi pla kơ bruă ruah khua pơ ala mơnuih ƀon sang dêh čar hăng Khua jơnum min pơ ala mơnuih ƀon sang. Tơlơi pơplông pơphun amăng 30 hrơi (mơng 12 mông mlăm jê̆ či mơguah lơ 1/4/2021 truh lơ 30/4/2021), mă pri sa hơmâo 20 klăk prăk, hăng lu gơnam pơpŭ pơkŏn dong.

Siu H’Mai: Pơblang