VOV4.Jarai - Pơphun bruă “Hlăk ai gum man pơdong plơi pla phrâo” ƀơi Hà Nội, Khul hlăk ai mut phung Hồ Chí Minh pơphun pơplông “Kơčăo bruă pơčeh phrâo bơwih ƀong amăng hlăk ai ƀơi plơi pla thun 2021”. Tơlơi pơplông kiăng pơsur pran jua, hơmâo hơdră bơwih ƀong, pơjing pran jua amuaih bơwih ƀong, gum pơđĭ kyar bơwih ƀong huă amăng kual plơi pla mơng ƀing hlăk ai. Tơlơi pơplông hơduah ĕp hơdôm kơčăo bruă ƀơi 3 mơta tơlơi: Pơđĭ kyar ngă hmua mă yua boh thâo phrâo amăng bruă tơjŭ pla, rông akan hơdang, pla kyâo, boh thâo pơhlôm gơnam kiăng hiam, pơkra gơnam; hơdôm kơčăo bruă mă yua boh thâo amăng bruă ngă hmua, pơgang ayuh hyiăng hăng mă yua kông ngăn hơmâo hơđăp ƀơi anih; Pơgang ba gru grua boh thâo hăng bruă pơđĭ kyar bruă mă, gơnam pơkra tui gru đưm, bơwih brơi tuai hyu ngui amăng plơi pla. Him lăng pơplông tal rơnuč amra pơphun amăng blan 11 thun anai ƀơi Lâm Đồng.

Siu H’Mai: Pơblang