VOV4.Jarai - Kông ti Logistics dêh čar Lào phrâo hră pơkôl jao 20% rơnoh pơčruih mơng Kơnuk kơna Lào amăng akŏ bruă tơdrun tum păn Vũng Áng brơi Kông ti pơđĭ kyar tơdrun tum păn Vũng Áng Lào - Việt Nam (VDS), ăt anai lĕ anih wai lăng hrŏm hăng Kơnuk kơna Lào. Bruă jao glăi 20% brơi kơ Kông ti pơđĭ kyar tơdrun tum păn Vũng Áng Lào - Việt Nam amra ngă gêh gal kiăng pơtrut tañ pok pơhai pơkra ming tơdrun tum păn Vũng Áng rơwang  tal 1 (2021-2023), pok prong tơdrun tum păn Vũng Áng 1,2 hăng 3 tui tơlơi pơkôl kĭ kơplah wah dêh čar Lào - Việt Nam, kơtưn gêh gal amăng bruă pơdŭ pơgiăng gơnam tam ƀơi tơdrun tum păn ƀơi Vũng Áng hăng gơnam dưi pơdŭ hyu mơng 3 klăk tơ̆n đĭ 20 klăk tơ̆n amăng thun 2030. Tơdrun tum păn Vũng Áng arăng lăng yôm biă mă mơng hơdră ngă hrŏm hăng Kơnuk kơna Lào amăng bruă pơdŭ pơgiăng gơnam amăng kual ia rơsĭ hăng kơtưn tô nao rai amăng kual, ngă gang mah, ngă hrŏm yôm phăn kơplah wah Lào hăng Việt Nam.

Siu Đoan: Pơblang