VOV4.Jarai - Amăng 4 blan akô̆ thun, prăk pơhrui glăi mơng gơnam sĭ kơ dêh čar tač rơngiao mơng tơring čar Gialai hơkrŭ glăi prong hăng rơnoh đĭ giăm truh 48% bơhmu hăng thun 2020. Yua anun, bruă ngă giong tơhnal pơkă 610 klăk dolar Mi amăng thun 2021 lĕ klă biă. Ră anai, gơnam sĭ kơ dêh čar tač rơngiao biă ñu mơng tơring čar ăt lĕ kơ phê, kơ su, tiu, añăm pơtăm bôh troh... Hơdôm gơnam anai ƀuh ƀô̆ laih ƀơi hơdôm anih anom mơng giăm truh 40 bôh dêh čar. Biă ñu, sa dua gơnong bruă gơnam tam djơ̆ djop hăng tơlơi kiăng blơi hăng hơdôm bôh dêh čar ruah kah hăng: Mi, EU, Japan. Rơđah biă ñu lĕ kơ phê hăng prăk pơhrui glăi hơnong ñu rơbêh kơ 300 klăk dolar Mi sa thun. Đơ đam tơring čar hmâo năng ai ñu 30 bôh anom bơwih ƀong gum hrom sĭ gơnam kơ dêh čar tač rơngiao, amăng anun hmâo 11 bôh anom sĭ gơnam mă mơng đang hmua. Ră anai nua gơnam sĭ mơng gơnam anai hmâo 80%. Khua Gơnong bruă sĭ mơdrô tơring čar Gialai phrâo mă bruă hăng hơdôm bôh anom bơwih ƀong kiăng pel ĕp tơlơi sĭ gơnam kơ dêh čar tač rơngiao hmao tlôn thâo hơdôm tơlơi tơnap, akă gal amăng bruă pok pơhai ngă tui hơdôm hơdră pơkă, hơdră bruă mơng Kơnuk kơna pioh kơ bruă sĭ gơnam kơ dêh čar tač rơngiao./.

Siu H’ Prăk: Pô pơblang