VOV4.Jarai - Tui hăng mrô jŭ yap mơng djop tơring čar, đơ đam dêh čar ta hơmâo abih bang 69 klăk 198 rơbâo 594 čô mơnuih amra nao ruah Khua pơ ala mơnuih ƀon sang dêh čar tal XV hăng Khua khul pơ ala mơnuih ƀon sang djop gưl rơwang thun 2021-2026 amăng lơ 23/5 pơ anăp anai. Jơnum min plĕ hră ruah khua phrâo anai hơmâo hră pơ-ar brơi sa, dua tơring čar anun lĕ Kontum hăng Daklak pơphun plĕ hră hlâo kơ lơ 23/5/2021 tui tơlơi pơkă mơng Khua pơ ala mơnuih ƀon sang dêh čar .

Ƀơi tơring čar Kontum, Jơnum min plĕ hră ruah khua tŭ ư brơi plĕ hră amăng lơ 22/5 ƀơi să Ngọc Linh, Mường Hoong, Đăk Man, Đăk Plô, Đăk Nhoong, Đăk Long tơring glông Dak Glei hăng Puih tơhan wai pơgang guai lŏn ia să Đăk Xú gah să Đăk Xú, tơring glông Ngọc Hồi pơphun plĕ hră tañ ƀiă 1 hrơi pơhmu hăng hrơi pơkă plĕ hră amăng đơ đam dêh čar. Ƀơi tơring čar Daklak, Jơnum min plĕ hră ruah khua tŭ ư brơi hơdôm kual plĕ hră tañ ƀiă anun plĕ khul ling tơhan ƀơi tơring glông Ea Súp, tơring glông Buôn Đôn hăng plơi prong Buôn Ma Thuột.

Siu Đoan: Pơblang