VOV4.Jarai - Mơguah lơ 19/4, Ding kơna apăn bruă Ping gah, Kơ-iăng khua git gai ping gah tơring čar, Khua Jơnum min mơnuih ƀon sang tơring čar Dak Nông ơi Nguyễn Đình Trung git gai lăi pơthâo ruah Khua anom bruă Jơnum min mơnuih ƀon sang Dak Nông hăng ơi Trần Văn Diêu. Ƀơi mông jao bruă, Khua Jơnum min mơnuih ƀon sang tơring čar ơi Nguyễn Đình Trung bơni kơ hơdôm tơlơi gum pơgôp mơng ơi Trần Văn Diêu lơ̆m hơmâo ngă lu bruă phara, samơ̆ lêng dưi ngă truh kih djŏp bruă hơmâo jao. Hăng tơlơi gơgrong bruă hăng tơlơi kơjăp bruă mơng ñu, thun blan pơ anăp, ơi Trần Văn Diêu kiăng gir hloh dong, pơtrut tơlơi gum pơgôp, gơgrong bruă hrŏm hăng Anom bruă Jơnum min mơnuih ƀon sang tơring čar dưi ngă klă djŏp bruă hơmâo jao.

Ơi Trần Văn Diêu hơmâo ruah ngă Khua anom bruă Jơnum min mơnuih ƀon sang tơring Dak Nông

Siu H’Mai: Pơblang