VOV4.Jarai - Tom brơi (31/3), ƀơi Anom bruă wai lăng mơnuih hyu dŏ (Ding jum tơhan pôlih), plơi prong jưh jom Phnôm Pênh, pơphun mông ngă lơphet jao gơnam măi mok gah ia jrao mơng Sang anih jưh pơ ala dêh čar Việt Nam ƀơi dêh čar Kur djru brơi mơnuih ƀon sang dêh čar Kur amăng bruă pơgang klin Covid-19. Đĭ pơhiăp amăng mông ngă lơphet, ơi Lại Xuân Chiến lăi pơtong klin Covid-19 glăk ngă tơnap amăng rŏng lŏn tơnah, bơbeč sat nao dêh čar Việt Nam kah hăng Kur. Yua anun, Sang anih jưh pơ ala dêh čar Việt Nam amra ƀơk brơi 10.000 pok  akhăn gôm ƀô̆ brơi Anom bruă wai lăng mơnuih đuăi hyu dŏ dêh čar Kur. Gơnam anai lĕ tơlơi gum pơgôp mơng Sang anih jưh pơ ala dêh čar Việt Nam brơi dêh čar Kur djru găn rơgao tơnap tap, pơgang hĭ klin Covid-19. laih dong pơgôp hơkrŭ glăi, tô nao rai kjăp dong pran gum pơgôp, ngă giang mah kơplah wah dua boh dêh čar.

Siu Đoan: Pơblang