VOV4.Jarai -  Grŭp pơkra tañ gah Sang bruă apui lơtrik Daknông phrâo pơkra apui lơtrik ƀơi glông hrĕ apui 22KV glăk pơkĕ apui nao pơ̆ Čư̆ Jut, tañ gah lui hơdôm tơhnal amra hmâo tơlơi truh. Rơđah biă ñu, ƀơi gŏng hrĕ apui C53 gah glông hrĕ ĐD481CJU hăng ĐD477CJU, Apui lơtrik Čư̆ Jut hmâo thâo anih tô nao rai hmâo tơlơi truh sat, amra bơdjơ̆ nao bruă pơkĕ apui kơ mơnuih blơi yua hăng hơdôm glông hrĕ apui pơkĕ hăng pơ-iă yang hrơi.

Hmư̆ hing giong, Grŭp pơkra glông hrĕ apui hmâo pok pơhai jơlan gah tô pơdjai apui hotline tui anih pơkĕ nao rai, hruă glăi dua glông hrĕ apui grăp ƀrô hăng glit glăi akô̆ FCO. Tơdơi giăm hmâo 3 mông mă bruă ƀơi anăp ƀơi jơlan glăk pơkĕ apui 22KV, Grŭp hmâo ngă giong laih bruă pơkra glăi, pơhlôm măi mok pơđoh apui pơhlôm, na nao, ƀu djơ̆ nao bruă pơkĕ apui ăt kah hăng bruă pơkĕ hyu apui mơng hơdôm glông pơkĕ apui hăng pơ-iăng yang hrơi ƀơi glông gŏng hrĕ apui./.

Siu H’ Prăk: Pô pơblang