VOV4.Jarai - Mơguah lơ 15/10, ƀơi gŏng guai mrô 16.3, gah črăn jơlan guai Việt Nam - Kur, Anom bruă git gai tơhan pơgang guai tơring čar Kon Tum hơmâo brơi gơnam ƀong huă, ia jrao gun kơ Puih kơđông tơhan tơring čar Rattanakiri, dêh čar Kur.

Tơhan pơgang guai tơring čar Kon Tum brơi gơnam kơ ling tơhan dêh čar Kur

Tŏng ten tui anai, grup hơmâo brơi rơbêh 3,5 tơn braih, 20 kơthung mi tôm, hrŏm hăng gơnam yua pơkŏn, gơnam yua gah ia jrao bơwih brơi bruă pơgang klin Covid-19 hăng mrô prăk rơbêh 55 klăk prăk. Bruă anai kiăng hơkrŭ kơjăp tơlơi rô nao rai, ngă gŏp klă hiam mơng 2 bơnah tơhan amăng bruă pơgang guai, pơgăn arăng mut nao rai ča čot, pơgăn ƀing ngă soh hăng pơgang klin Covid-19.

Siu H’Mai: Pơblang