Tơdơi rơbêh kơ sa rơwang hrơi tơjuh mă bruă tơdơi kơ dưm dăp, bruă pơsir hră pơ-ar mơ̆ng hơdôm bôh să, phường amăng tơring čar Lâm Đồng hmâo bruă mă hluh gah, djơ̆ tui klă tơlơi kiăng bơwih brơi kơ mơnuih ƀôn sang.

Hrŏm hăng 16 bôh ƀirô, anom bruă, gơnong bruă gưl tơring čar, abih bang 124 bôh să, phường, kual phun mơ̆ng tơring čar Lâm Đồng leng kơ ha amăng plĕ pơsir hră pơ-ar, mă yua anăn amăng măi wai lăng hră pơ-ar phrâo, djơ̆ tui klă tơlơi kiăng tŭ mă hăng pơsir hră pơ-ar kơ mơnuih ƀôn sang. Tui hăng Gơnong bruă gong gai tơring čar Lâm Đồng, yap mơ̆ng lơ 1/7, rim hrơi leng kơ hmâo rơbêh kơ 1.000 mơta hră pơ-ar nô̆p ƀơi anăp hăng lăng nao rai mơ̆ng ataih ƀơi hơdôm ƀirô, bôh anom pioh dô̆ tơguan pơsir. Lâm Đồng dưi pơsit lĕ sa amăng ƀut 5 anih anom ba jơlan hlâo đơ đam dêh čar amăng bruă tŭ mă, pơsir klă hră pơ-ar amăng hơdôm hrơi blung a mă bruă gong gai 2 gưl./.