Anai lĕ jơnum rơnuč amăng rơwang ngă bruă Khua pơ ala mơnuih ƀôn sang dêh čar tal 15. Jơnum tal anai hơmâo ngă tui hơdôm bruă pơprong, pơsir hĭ hơdôm tơlơi gun kơ tơhnal pơkă, ngă atur djơ̆ tơlơi phiăn kiăng pơđĭ kyar rơwang ngă bruă thun 2025-2030. Anai lĕ tơlơi pơsit mơng ƀing khua mua gah rơngiao jơnum Khua pơ ala mơnuih ƀôn sang. Amăng hrơi blan amăng lŏn ia hăng rŏng lŏn tơnah hơmâo lu tơlơi pơplih, Khua pơ ala mơnuih ƀôn sang dêh čar tal 15 hơmâo pơdah pran gơgrong, tŏ tui hăng pơsit tong tơlơi glăm ba amăng bruă pơgiong tơhnal pơkă hăng hơnong pơkă črâo ba kiăng pơđĭ kyar; ƀu pơdơi hrưn đĭ bruă krăo lăng kiăng ba hơdôm tơlơi pơtrun yôm phăn pơtrut pơđĭ kyar lŏn ia.

Jơnum tal anai hơmâo pơgôp hiăp amăng hơdôm tơlơi phiăn ngă atur djru brơi kơnuk kơna amăng rơwang pơ anăp ngă bruă gêh gal ƀiă dong lơm ngă tui hơnong pơkă đĭ đăi hăng hơnong pơkă pơđĭ kyar lŏn ia.