Čơkă ơi Shoigu hăng Khua mua Khul wai lăng rơnuk rơnua dêh čar Nga rai pơ Việt Nam, Khua git gai Ping gah ơi Tô Lâm pơsit tal rai čuă anai yom biă mă, ngă kjăp tui tơlơi rô nao rai ngă hrŏm plah wah hơdôm anom bruă dua bơnah gah bruă rơnuk rơnua, pơgang lŏn ia hăng lu bruă ngă hrŏm pơkŏn.

Khua git gai Ping gah lăi Việt Nam prăp rơmet pơtrut tui hăng pơtruh brơi kiăng dêh čar Nga dưi ngă hrŏm lu hloh dong hăng ASEAN wơ̆t hăng ding kơna amăng ASEAN. Dua bơnah pơčrông sai hơdôm bruă ngă hrŏm pơkŏn hăng tŭ ư kiăng pơđĭ tui hơdră ngă hrŏm bơwih ƀong - sĭ mơdrô, pok prong ngă hrŏm gah apui lơtrik, ia jâo, ngă hmua, pơkra măi, hăng boh thâo ia rơgơi yom; laih dong pơtrut ngă hrŏm hơdôm boh tơring, anom mơdrô hăng khul bơwih ƀong dua boh dêh čar kiăng pơtrut pran jua ngă bruă phrâo amăng bruă ngă hrŏm dua bơnah.