Tui hăng tơlơi lăi pơthâo, thun 2025, bruă pơgang lŏn ia - bruă tơhan hơmâo djŏp gưl, tơhan blah ngă amăng tơring čar ngă ha amăng plĕ; anih pơgang hơmâo hơkrŭ kjăp tui; bruă ngă hrŏm pơsir tơlơi truh hơmâo ngă klă tui mơn. amăng tal kơthel 13 hăng ia dăo phrâo rơgao, tơhan tơring čar Dak Lăk nao pơ anih hơmâo tơlơi truh hmar biă, ba pơđuăi mơnuih ƀôn sang, djru mơnuih bưp tơlơi truh, pơsir hĭ tơlơi răm rai, pioh glăi tơlơi lăp hơdor hiam biă amăng pran jua mơnuih ƀôn sang.

Samơ̆ sit nik, tơlơi truh lŏn adai ngă brơi ƀuh tơlơi pơgang hlâo mơ̆ng khul wai lăng djru ană plơi hăng tơhan ƀơi anih pơ hơdôm boh să, phường dŏ tơdu, aka ƀu hơdeč, aka ƀu prăp hlâo, dŏ sư̆ rơbư̆ amăng bruă pơgang. Bruă wai lăng kơnuk kơna kơ pơgang lŏn ia ƀơi hơdôm boh tơring dŏ tơdu, bruă lăi pơthâo, pơphô brơi dưm dăp prăp rơmet, pơlir đĭ kyar bơwih ƀong - mơnuih mơnam hăng bruă pơgang lŏn ia aka ƀu kơnar ôh. Mơ̆ng anun, Dak Lăk kiăng hơdôm boh tơring hăng tơhan blah ngă pơsir hlao hơdôm tơlơi dŏ tơdu hơmâo amăng mông hơjan kơthel ia dăo phrâo rơgao, biă ñu lĕ tơhan pơgang amăng plơi pla.