Pơhiăp ƀơi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, pơ anăp anai, hơmâo lu bruă yom kah hăng: Ruah khua pơ ala mơnuih ƀôn sang dêh čar Việt Nam; Jơnum bơkơtưn khăp kơ lŏn ia hăng ruah khua pơ ala mơnuih ƀôn sang dêh čar tal 16 hăng ruah khua pơ ala mơnuih ƀôn sang djŏp gưl rơwang thun 2026-2031.

Khua git gai pơ ala mơnuih ƀôn sang dêh čar ơi Trần Thanh Mẫn čang rơmang: Mah ngă bruă hơget tŭ mơn, ƀing khua ăt gir gum pơgôp kơ Ƀirô khua pơ ala mơnuih ƀôn sang, kơ Jơnum min pơ ala mơnuih ƀôn sang djŏp gưl, kiăng Khua pơ ala mơnuih ƀôn sang dêh čar ƀu pơdơi pơdă prong kjăp hloh dong, pơtrut tơlơi gơgrong bruă, bruă čih pơkra tơlơi phiăn, krăp lăng kơtang hloh hăng tơlơi pơsit hơdôm bruă yom mơ̆ng lŏn ia. Khua git gai pơ ala mơnuih ƀôn sang đăo kơnang, amăng rơwang thun khua pơ ala mơnuih ƀôn sang dêh čar tal 16, mrô đah kơmơi ngă khua pơ ala mơnuih ƀôn sang tui hăng rơnoh ba tơbiă.