Pơ ala brơi khua mua Kông an tơring čar Dak Lăk hơmâo brơi hră pơsit hăng Đại tá Nguyễn Văn Quy - Kơ-iăng khua Jơnum min pel ĕp kơđi Ping gah Kông an tơring čar; Đại tá Nguyễn Hữu Lương - Khua anom bruă rơnuk rơnua kơđi čar; Thượng tá Ngô Văn Hiển - Khua anom ngă hră pơ-ar; Thượng tá Lê Tôn Cương - Khua anom ngă kơđi hình sự hăng djru pơphô tơlơi phiăn; Thượng tá Hà Quốc Huy - Khua Pel ĕp kơđi Kông an tơring čar; Thượng tá Cao Tiến Phu - Khua anom bruă tơhan rŭi hyu hơdeč; Thượng tá Niê Thủy Hồng - Khua sang ia jrao kông an tơring čar hăng Thượng tá Nguyễn Văn Lân - Khua kông an tơring glông Mdrăk. Hrŏm hăng anun, khua mua Kông an tơring čar ăt brơi hră pơsit hăng 3 čô kơ-iăng khua anom bruă pơdơi bruă hlâo kơ thun pơkă.

Thiếu tướng Lê Vinh Quy, Khua kông an tơring čar Dak Lăk bơni hơ-ơč kơ ƀing khua mua kông an ngă truh kih bruă hơmâo jao, pơdơi bruă, ƀong prăk pơdơi lơtret tui tơlơi phiăn; laih dong bơni hơdôm bruă hơmâo ngă, tơlơi gum pơgôp prong mơ̆ng ƀing khua amăng bruă mă mơ̆ng kông an tơring čar hơdôm thun rơgao.