Tui anun, ơi Huỳnh Thế Mạnh - Khua hơđăp anom pơtô bruă Ping gah tơring čar Gia Lai, thun anai ñu 59 thun, amra pơdơi lơtret mơ̆ng lơ 1 blan 3 pơ anăp. Ñu rơkâo pơdơi bruă amăng hrơi mông Anom pơtô bruă ping gah hăng Anom iâu pơthưr pơtô ba mơnuih ƀôn sang pơmut hrŏm jing Anom pơtô bruă ping gah hăng pơtô ba mơnuih ƀôn sang ping gah tơring čar Gia Lai. Hrŏm hăng ơi Huỳnh Thế Mạnh, ơi Dương Dã - Kơ-iăng khua Ping gah djŏp anom bruă hăng anom bơwih ƀong tơring čar hăng ơi Huỳnh Tấn Đoan - Kơ-iăng khua ping gah djŏp anom bruă kơnuk kơna hăng anom bơwih ƀong tơring čar ăt hơmâo Khul khua apăn bruă phun git gai Ping gah tơring čar Gia Lai lăi pơthâo pơdơi bruă hlâo kơ thun pơdơi lơtret.

Bruă ƀing khua yua Ping gah tơring čar Gia Lai wai lăng rơkâo pơdơi bruă hlâo kơ thun lơtret pơdah pran jua gơgrong bruă, thâo hluh brơi bruă dưm dăp glăi mơnuih mă bruă kơnuk kơna, pơđĭ tui anŏ klă, tŭ yua mơ̆ng anom bruă.