Jơnum hơdor glăi anai kiăng pơtô lăi, thâo hluh tong ten amăng mơnuih ƀôn sang, ƀing khua mua, mơnuih ping gah, ling tơhan plơi prong jưh jom kơ blah dưi hing anăng anăn “Hà Nội-Điện Biên Phủ ƀơi adai rơngit”- tal blah ngă kơtang tit hmư̆ hing yôm biă mă, pơdah rai tơlơi pơmin pran jua khut khăt kiăng rơngai lŏn ia, ngă khua pô, tơlơi khin hơtai hing ang mơ̆ng djuai ania Việt Nam hăng hmư̆ hing gru grua blah ngă pơgang lŏn ia yua mơnuih ƀôn sang hăng ling tơhan ta pô gơgrong.

Boh nik ñu tơhan pơnah rơdêh por hăng tơhan mơgăt rơdêh por; ling tơhan hăng mơnuih ƀôn sang plơi prong jưh jom Hà Nôị, ƀôn prong Hải Phòng hăng hơdôm tơring čar kual gah kơdư dêh čar ta rơnuk blah ayăt Mi, kiăng pơklaih rơngai dêh car hơmâo ba glăi boh tŭ yua sit nik. Blah dưi ƀơi Hà Nội-Điện Biên Phủ ƀơi adai rơngit hơmâo ba glăi lu tơlơi hrăm yôm mă yua pơčeh phrâo amăng bruă man pơdong lŏn ia hăng pơgang dêh čar ră anai.