Tơlơi pơhing mơng gơnong bruă wai lăng bruă mă tơring čar Dak Nông, anom bruă anai hơmâo mơ-it nao Jơnum min mơnuih ƀôn sang tơring čar Dak Nông kơ 6 pok hră pơ-ar mơng kơ-iăng khua hơdôm gơnong bruă rơkâo pơdơi lơtret tañ ƀiă tui tơlơi pơtrun mrô 178/2024/NĐ-CP mơng Kơnuk kơna, hơmâo ơi Lê Quy, Kơ-iăng khua gơnong bruă wai lăng bruă mă, ơi Trần Ngọc Lâm, Kơ-iăng khua gơnong bruă man pơdong, ơi Nguyễn Ngọc Lũy, kơ-iăng khua gơnong kơčăo bruă hăng tuh pơ alin, ơi Nguyễn Văn Phò, kơ-iăng khua gơnong bruă prăk kak, ơi Phạm Văn Mạnh, kơ-iăng khua gơnong bruă wai lăng jơlan glông, ơi Lưu Văn Đặng, kơ-iăng khua gơnong bruă boh thâo ia rơgơi.

Tui gơnong bruă wai lăng bruă mă tơring čar Dak Nông, tơring čar hơmâo laih tơlơi pơtrtun pơđut hĭ mă bruă 10 grup Ping gah, anom bruă, sang bruă gưl tơring čar; pơmut 10 gơnong bruă jing 5 gơnong bruă. 6 čô kơ-iăng khua rơkâo pơdơi lơtret tañ ƀiă tal anai lêng dong amăng hơdôm gơnong bruă mơ̆ tơring čar Dak Nông amra pơmut hrŏm pơ anăp anai.