Tơdơi kơ 7 thun ha mơkrah yap mơng hrơi pơphun man pơkra, Jơlan Ngŏ yŭ plơi prong Buôn Ma Thuột, tơring čar Daklak, phrâo sit nik hmâo hơdôm hrơi pơkra tañ. Bruă mă mơ̆ Gong gai plơi prong ba tơbiă kơ ƀing man pơkra amăng ha mơkrah blan dong, ring bruă hmâo nua rơbêh kơ 1.200 klai prăk anai khom dưi mă yua, pioh kơ Jơnum ngui kơ phê Buôn Ma Thuột tal 8 thun 2023.

Tơlơi gun prong kơ mrô lŏn pioh pơkra jơlan mơng Đinh Tiên Hoàng – Lê Duẩn jing tơdrông toa găn čroh ia Ea Tam dưi pơsir laih mơng rơnuč thun hlâo. Ră anai ƀơi hơdôm jơlan nao rai dưi nao laih pơ̆ tơdrông toa anai. Jơlan Ngŏ Yŭ ataih 6.9km ƀu djơ̆ kơnong kơ ngă giăm jơlan nao rai mơng tơdron rơdêh por Buôn Ma Thuột nao pơ̆ kual krah plơi prong ôh mơ̆, ñu dô̆ pok tơbiă sa rơwang rơhaih pơđĭ kyar phrâo nao gah Dơnung dong. Mơng črăn jơlan anai, amra dưi lăng ƀuh prong kual krah plơi prong, pơkĕ hrom anih anom hiam dơnao ia Ea Tam (glăk dưi pơkra) hăng kăng kual “Plơi prong ia jrao” amăng pơkă rơwang pơđĭ kyar plơi prong truh thun 2023./.