Lu ñu hơdôm tơlơi gum pơhiăp lăi lĕ bruă Khua pơ ala mơnuih ƀôn sang dêh čar pơplih pơkra pơhrua nao dong sa dua mơta tơlơi phiăn amăng hơdôm hrơi rơgao hmâo djru ngă gal brơi kơ hơdôm anom bơwih ƀong pơđĭ kyar. Khă hnun hai, lơm ngă tui, ăt dô̆ mơn sa dua tơlơi gun kah hăng: anom bơwih ƀong kiăng tuh pơplai khom hmâo jơlan gah mă yua lŏn tui tơlơi pơkă, samơ̆ truh ră anai lu ñu lŏn dô̆ Dap Kơdư hmâo phun akha lŏn mơ̆ng ngă đang hmua đang kyâo akă hmâo tơlơi pơtrun pơtô ba kơ nua brơi kơ mơnuih tuh pơplai, mơnuih lăi pơthâo ngă jơlan gah mă yua lŏn.

Amăng mông bưp, mơnuih ƀôn sang ăt rơkâo đĭ mơn lu tơlơi bơdjơ̆ nao pơđĭ kyar bơwih ƀong mơnuih mơnam mơ̆ng Dak Lak lăi ha jăn hăng đơ đam dêh čar lăi hrŏm kah hăng kơčăo bruă pơđĭ kyar hơdôm glông jơlan đuăi hmar, pơkă kual pơlar bruă rông čim črang črah, prăk pơčruh hrŏm bơwih ƀong hăng hơdôm sang bruă plah tơsiong đang kyâo, đang hmua...