3 blan laih rơgao, mah amai Nguyễn Thị Bích Thủy, Kơ-iăng Khua kông ti TNHH Biofresh ƀơi plơi prong Đà Lạt hơmâo lu pok hră ba hyu kiăng ĕp mơnuih mă bruă, ñu juăt tơña anom bruă ĕp mơnuih mă bruă tơring čar Lâm Đồng kiăng kơ ĕp brơi mơnuih mă bruă tui ñu kiăng samơ̆ ăt ƀu hơmâo lơi.

Tui ơi Hoàng Trọng Vinh, Khua anom bruă hơduah ĕp bruă mă tơring čar Lâm Đồng, ră anai đơ đam tơring čar hơmâo 780 boh anom bơwih ƀong sĭ mơdrô glăk kiăng mơnuih mă bruă, hăng rơbêh 1.000 anih mă bruă tui lu bruă anun lĕ: bơwih bơwang, tuai čuă ngui, ngă hmua, čoh sum ao… Lu anom bơwih ƀong sĭ mơdrô ba tơbiă prăk apah hơđong hăng hơmâo lu prăk apah pơhrua pơkŏn dong samơ̆ ăt tơnap ĕp mơnuih mă bruă, sit biă ñu mơnuih rơguăt bruă anun lĕ kỹ sư ngă hmua, wai lăng bơwih ƀong sĭ mơdrô, ƀing thâo yua măi mok.