Kông an ƀôn prong hơmâo pơkiăo nao 50 čô khua, tơhan ječ ameč nao pơ anih hơmâo apui ƀong, ngă hrŏm hăng tơhan pơkŏn mơ̆ng gong gai, wơ̆t hăng mơnuih ƀôn sang djru prah apui. Truh 12 mông 52 mơnit mlăm mơn, hơdôm anom bruă nao truh pơ anih apui ƀong, djru prah, pơgăn apui ƀong rôk hyu prong, hrŏm hăng ƀing tơhan hyu ĕp, djru ba mơnuih bưp tơlơi truh.

Apui ƀong kơtang đơi, jing ƀong abih rơdêh thut, rơdêh pơkĕ apui lơtrik, rơdêh tang wang pơ lan sang, asăp kơthul ngă gơnăm jŭ abih anih apui ƀong. Ƀing tơhan phă boh khoă sang, mut nao amăng sang laih anun djru ba 7 čô mơnuih dŏ đom, amăng anun hơmâo 3 čô mơnuih ruă hơmâo ba nao pơ sang ia jrao. Truh 1 mông 26 mơnit mlăm, apui dưi čruih abih laih. Mơ̆ng bruă hyu ĕp, blung a tơhan apăn bruă hơmâo ƀuh 14 čô mơnuih djai.