Amăng dua hrơi dong mơng lơ 16-17/5, ƀơi tơring čar Xiengkhuang, kual gah kơdư dêh čar Lao pơphun mông ngă lơphet jao hăng tŭ mă, ngă yang hăng ba 96 per tơlang tơleh tơhan djai pơsăn drơi lĕ tơhan djru blah wang hăng ƀing djru bruă mơng Việt Nam djai pơsăn drơi ƀơi 3 boh tơring čar Vientiane, Xaysomboum hăng Xiengkhuang glăi dor pơ dêh čar Việt Nam.

Bơyan phang thun 2022-2023, grup hyu ĕp, anom bruă git gai tơhan tơring čar Nghệ An hơmâo pơphun hyu ĕp, pơƀut glăi, klơi đĭ 96 per tơlang tơleh tơhan djai pơsăn drơi ƀơi 3 boh tơring čar, dưm dưm 120% tui tơlơi pơkă ba tơbiă. Mông ngă yang kiăng rơkâo brơi bơngăt ling tơhan djai pơsăn drơi jăn mơng Việt Nam hơmâo pơphun yôm phăn tui tơlơi phiăn ƀơi dêh čar Lao adơi ayong. Tui tơlơi pơkă, hrơi ba nao dor 96 per tơlang tơleh hơmâo klơi đĭ, ba glăi tal anai amra pơphun amăng lơ 19/5 ƀơi pơsah dor tơhan djuai pơsăn drơi tơring glông Nghi Lộc, tơring čar Nghệ An.