Ƀơi mông jơnum pôr pơthâo, Khua dêh čar ơi Phạm Minh Chính hơmâo jao hră pơsit mơ̆ng Kơnuk kơna hăng brơi guang bơnga bơni hơ-ơč kơ dua čô khua ding jum Jơlan glông Pơdŭ pơgiăng hăng khua ding jum prăk kăk phrâo, Khua dêh čar čang rơmang dua čô khua ding jum phrâo gum hrŏm, găn rơgao tơlơi tơnap tap lông lăng, gum pơgôp tŭ ư sa pran jua mă bruă, tơdah pơčrong sai khom thâo hluh, sit nao khom truh, mă bruă hơgĕt khom giong bruă anun, abih bang sa anăp ngă bruă, tŭ ư laih khom ngă bruă yua kơ mơnuih ƀôn sang dŏ tơguan, lŏn ia dŏ krăp, djuai ania čang rơmang.

Ƀơi anăp Khua dêh čar hăng ding kơna amăng kơnuk kơna dêh čar, Khua ding jum Jơlan glông Pơdŭ pơgiăng hăng Khua ding jum prăk kăk ƀuăn hăng Khua dêh čar ơi Phạm Minh Chính amra gir run abih pran jua mă bruă kiăng ngă giong bruă jao, lăp hăng tơlơi čang rơmang mơ̆ng khua mua ping gah, kơnuk kơna, lŏn ia, khua dêh čar.