Pơđok lok glăi gru grua, khua tơring čar Bến Tre lăi đĭ bôh tŭ yua, bruă mă mơng Tơlơi tơgŭ hơkrŭ ƀơi tơring čar Bến Tre 63 thun hlâo adih lơ 17/1/1960 jing sa gru klă kơ tơlơi tơgŭ hơkrŭ mơng mơnuih ƀôn sang; mơng tơngan soh, hăng pran khăp kơ lŏn ia, kiăng kơ tlaih rơngai, dưi pô, găh yŭ tơlơi git gai mơng Ping gah, mơnuih ƀôn sang Bến Tre hmâo tơgŭ hơkrŭ laih, blah prai ayăt hmâo hơdră pơčeh phrâo hăng ba glăi bôh tơhnal, pơjing bruă Tơgŭ Hơkrŭ hling hlang, kah hăng sa gru rơđah amăng gru grua yôm mơng djuai ania.

Ƀrô djơ̆ hrơi hơdor glăi 63 thun Hrơi Bến Tre tơgŭ hơkrŭ, Jơnum min mơnuih ƀôn sang tơring čar Bến Tre hmâo ƀơk laih hră pơanăn “Mơnuih tơgŭ hơkrŭ thâo” hăng “Mơnuih tơgŭ hơkrŭ ư-ang” tal 3 thun 2023, brơi kơ 10 čô mơnuih, hmâo laih bôh than rơđah, prong djru pơdŏng hăng pơđĭ kyar Bến Tre./.