Ơi Pớt, Kơ-iăng khua khul apăn bruă Ping gah tơring čar Kon Tum lăi pơtong, thun 2022, tơring čar dong ƀơi anăp lu tơlơi tơnap tap, lông lăng, samơ̆ hăng pran gum pơgôp, mut hrŏm, Ping gah, gong gai, ling tơhan hăng mơnuih djop djuai ania hơmâo gir run ba glăi boh than yôm phăn amăng anun hơmâo tơlơi gum pơgôp mơng ƀing rơgơi kơhnâo, ƀing thâo čih boh pia, adôh suang, ƀing mă tơlơi pơhing.

Hăng tơlơi čang rơmang ƀing rơgơi kơhnâo, thâo čih boh pia, adôh suang, ƀing mă tơlơi pơhing amra tŏ tui ngă gêh gal gum hrŏm pơđĭ kyar amăng tơring čar, ơi Pớt rơkâo djop gưl, gơnong bruă tŏ tui ngă gêh gal kiăng ƀing rơgơi kơhnâo, ƀing thâo čih boh pia, adôh suang, ƀing mă tơlơi pơhing dưi mă bruă. Laih dong, đing nao pơsir hĭ hơdôm tơlơi rơkâo đĭ djơ̆ tơlơi phiăn, djơ̆ tơlơi kiăng bơdjơ̆ nao gơnong bruă, bruă mă ƀing gơñu git gai.