Rơbêh kơ 150 čô mơnuih pơ ala hơdôm gơnong bruă, anom bruă tơring car Lâm Đồng, ƀing kơsem min bôh thâo phrâo, mơnuih kơsem min, khul grŭp, anom bơwih ƀong amăng dêh čar ta gum hrom. Bơkơtuai hmâo pioh laih lu mông lăi pơthâo glăi, gum lăi pơthâo hăng gum pơhiăp jum dar hơdôm tơlơi gah nua anăn gơnam plơi prong Festival bơnga Đà Lạt, hơdôm bôh than pơhmăi truh tơlơi djơ̆ pran mơng tuai hyu čuă ngui pioh kơ anih čuă ngui Đà Lạt, hơdră tuai čuă ngui phrâo kiăng đĭ tui tơlơi găn rơgao mơng tuai ƀơi plơi prong bơnga.

Pơhiăp amăng mông bơkơtuai, ơi Tôn Thiện San, Khua Jơnum min mơnuih ƀôn sang plơi prong Đà Lạt pơtŏng sit, hluai tui bruă Festival Bơnga Đà Lạt, bruă pla bơnga dưi pơpŭ hăng pơtŏng sit anăn păn bơnga Đà Lạt lĕ pran kơtang kiăng dưi tuh pơplai, mă yua, djru pơtrut bơwih ƀong hăng pơđĭ tui nua gơnam mơng bơnga ba truh./.