- Mơguah (18/1), ƀơi pra yang - anih pioh hơdor kơ ơi pơtao Hùng ƀơi đang bơnga anih djă pioh gru grua djuai ania ƀôn prong, Ping gah ƀôn prong, Khul pơ ala mơnuih ƀon sang, Jơnum min mơnuih ƀon sang, Jơnum min djop djuai ania mơnuih mơnam Việt Nam ƀôn prong Hồ Chí Minh pơphun mông ngă lơphet pơyơr đĭ ƀañ tek brơi kơ ơi pơtao Hùng Vương ƀrô bơyan čơkă thun phrâo 2023. Anai lĕ bruă mă tui gru grua rĭm thun hơmâo ƀôn prong Hồ Chí Minh pơphun amăng bơyan čơkă thun phrâo tui phiăn juăt, mông pơphun tui gru grua yôm phara mơng mơnuih ƀon sang kual dơnung.

Mơng anai pơdah pran hơdor tơngia mơñum ia hơdor kơ pô klơi hăng pran pơpŭ bơni abih pran jua hăng ƀing ơi pơtao Hùng, lĕ ƀing mơnuih ba jơlan hlâo amăng bruă pơjing hăng wai pơgang lŏn ia. Tơdơi kơ mông ngă yang pơyơr đĭ ƀañ tek ơi pơtao Hùng Vương, khua mua Ping gah ƀôn prong, Khul pơ ala mơnuih ƀon sang, Jơnum min mơnuih ƀon sang, Jơnum min djop djuai ania mơnuih mơnam Việt Nam ƀôn prong Hồ Chí Minh hơmâo nao hơ-ŭ hơdor, tŭi ñang kơ Đức Lễ Thành Hầu Nguyễn Hữu Cảnh.