Amăng bruă pơđĭ kyar bơwih ƀong mlăm, ƀơi anăp Đà Lạt amra pơƀut ngă hơbô̆ bruă đang bơnga hmư̆ tơlơi adoh suang ƀơi Đang bơnga plơi prong, pơphun adoh suang rim mlăm, hơmâo pơdong jơgăn pơdă gơnam kiăng arăng nao lăng hăng blơi gơnam ƀơi tong krah plơi prong mơtăm. Hrŏm hăng anun, hơmâo jơlan sĭ mơdrô gơnam ƀong huă mlăm ƀơi hơdôm  glông jơlan hăng ƀơi tơdron lak Lâm Viên.

Rim hơbô̆ bruă hơmâo gru phara ăt kah hăng hơmâo pơphun lu hơdră bruă, gơnam ba sĭ lu mơn djơ̆ hăng tơlơi kiăng ngui ngor, blơi gơnam, ƀong mơñum mơmot mlăm mơng ƀing tuai. Amăng thun 2023-2030, Đà Lạt amra pok pơhai lu hơbô̆ bruă plơi prong rơbat tơkai, jơlan hơdră adoh suang, blơi gơnam, hyu lăng dơnao ia; ba đuăi, dưm dăp glăi sang čơ mlăm klă hloh, pơkra ming kiăng hiam, pơjing rai tơlơi bơwih ƀong mlăm hơmâo djŏp tơlơi ngui ngor.