Amăng mông bơkơtuai, mơnuih pơ ala hmâo bơkơtuai, gum pơhiăp mơ̆ng tơlơi rơđah amăng Hră čih tơlơi pơkra Tơlơi phiăn, amăng anun hmâo đing nao ngă rơđah sa dua bôh pơhiăp, tơlơi pia dưi mă yua akă djơ̆ ƀudah akă tum djop; pơhrua nao ngă dơlăm hloh sa dua bôh yôm akă rơđah amăng hră čih pơkra Tơlơi phiăn.

Yă Tô Thị Tâm, Khua Khul pơlir hơbit đah kơmơi tơring čar Dak Lak pơsit: hơdôm tơlơi gum pơhiăp mơ̆ng mơnuih pơ ala hmâo đing nao ngă rơđah hloh lu bôh yôm hmâo ba tơbiă amăng Hră čih pơkra Tơlơi phiăn, kah hăng khom pơhlôm dưm kơnar bơnai hăng rơkơi, đing nao lăp djơ̆ kơ đah kơmơi, čơđai muai đah kơmơi. Bruă djru pơtlaih, tŭ mă, pơgang, djru ba mơnuih hmâo tơlơi truh, mơnuih glăk amăng rơwang pơsit lĕ mơnuih hmâo arăng ngă sat khom hmao tlôn, djơ̆ sit. Khom pơgăn mơtăm mơ̆ng hơdôm tơlơi amuñ hmâo arăng plư mă pioh blơi sĭ mơnuih kah hăng: tuai čuă ngui, nao mă bruă pơ̆ dêh čar tač rơngiao, brơi čơkă mă ană rông, pơdô̆ rơkơi bơnai hăng mơnuih dêh čar arăng...