Amăng tơlơi pơplông hur har mơng đah kơmơi đơ đam dêh čar čơkă mơ-ak hơdor glăi 1983 thun tơgŭ hơkrŭ Hai Bà Trưng, 113 thun Jar kơmar pioh kơ đah kơmơi lơ 8/3, mơguah lơ 8/3, ƀơi Ding jum khul ling tơhan, Grŭp đah kơmơi Khul ling tơhan pơphun ngă Lơphet hơdor glăi 30 thun Hrơi gru grua phiăn juăt Đah kơmơi Khul ling tơhan, Grŭp đah kơmơi Khul ling tơhan hăng čơkă Miđai pơgang lŏn ia dăp tal Dua.

Thượng tướng Nguyễn Trọng Nghĩa, Khua Grŭp pơtô bruă Ping gah dêh čar nao pơhmư̆ hăng git gai mông ngă lơphet. Pơhiăp amăng mông ngă Lơphet hơdor glăi, Thượng tướng Lê Huy Vịnh, Kơ-iăng Khua Ding jum khul ling tơhan pơ ala kơ Ping gah Khul ling tơhan, Khua Ding jum Khul ling tơhan lăi rơđah hơdôm thun pơ̆ anăp, rơnuk rơnua, gum hrom hăng pơđĭ kyar ăt lĕ jơlan gah prong, samơ̆ tơlơi rŏng lŏn tơnah hăng amăng kual pơplih tañ, glêh tơnap, ƀu thâo him lăng. Thượng tướng Lê Huy Vịnh brơi thâo, tơlơi anun ba tơbiă hơdôm tơlơi rơkâo jai hrơi jai dlông hăng bruă pơdŏng Khul ling tơhan, hơkrŭ pơgăn hăng pơgang lŏn ia./.