Amăng mông pơhiăp telephôn, Đại tướng Phan Văn Giang pơsit tong Việt Nam pok pơhai jơlan gah pơtom hiăp rơngai, ngă pô, djop mơta, djop bơnah, gơgrong hăng gir run mut hrŏm jar kmar; jing gơyut gơyâo, bơnah ngă hrŏm đăo gơnang, ding kơna gơgrong amăng bruă jar kmar; lêng kơ lăng dêh čar Mi kar hăng sa amăng hơdôm boh dêh čar ngă hrŏm prong hloh. Đại tướng Phan Văn Giang lăi pơtong, ngă hrŏm hơkrŭ glăi anŏ pioh glăi mơng rơnuk blah wah amăng hrơi blan rơgao lĕ bruă bơngač amăng tơlơi rô nao rai bruă ling tơhan dua bơnah, pơgôp ngă lŏm hĭ anŏ sat pioh glăi đưm hlâo, anăp nao pơgi kơdih.

Ơi Pete Hegseth pơsit tong gong gai khua mir sir Mi ơi Donald Trump lăng yôm biă mă tơlơi rô nao rai ngă hrŏm hăng Việt Nam; čang rơmang pơ anăp anai tŏ tui pơtrut kơtang ƀiă dong tơlơi rô nao rai ngă hrŏm Việt Nam-Mi lăi hrŏm hăng tơlơi rô nao rai ngă hrŏm bruă ling tơhan dua bơnah hnun mơn; hluai tui hơdôm boh tơhnal mut hrŏm, amăng anun akŏ phun lĕ bruă ngă hrŏm ngă lŏm hĭ tơlơi sat răm pioh glăi mơng rơnuk blah wang.