Amăng mông jơnum, khua mua dua boh tơring čar hơmâo tŭ ư kĭ hră pơkôl ngă hrŏm pơđĭ kyar bơwih ƀong huă-mơnuih mơnam amăng 6 bruă anun lĕ: Ngă hmua, pơsur tuh pơ alin, sĭ mơdrô, bơwih bơwang; tuai čuă ngui; jơlan glông, ia jrao, pơtô pơjuăt, pơtô hrăm, bruă mă; wai pơgang rơnuk rơnua.

Hơnong pơkă mơng tơlơi pơkôl ngă hrŏm kơplah wah dua boh tơring čar lĕ anăp nao pơđĭ kyar bơwih ƀong huă-mơnuih mơnam amăng djop mơta bruă, pơgôp mă yua hăng ngă tui hơdôm boh than dưi ngă tui tơlơi gal mơng dua boh tơring čar, mă yua klă hloh hơdôm anŏ hơmâo, pơsur tuh pơ alin, sĭ mơdrô mơng gah rơngiao hluai tui jơlan nao rai, pơlăi nao rai gru grua mơng dua bơnah, mă yua klă hloh hơdôm tơlơi gal, gru grua yôm phara mơng dua bơnga, pok rai tơlơi dưi kiăng pơhưč tuh pơ alin lu ƀiă dong ƀơi dua boh tơring čar.