Tal pơplông mơng ataih pel ĕp kơ bruă pơplih ngă hră pơ-ar tơring čar Dak Lak thun 2022 hơmâo pơphun dong mơng lơ 15/11 truh lơ 30/11/2022, pơhưč 17.700 čô mơnuih mut hrŏm. Khul pơphun hơmâo jao brơi 1 pri kơ khul grup kơ anom bruă hơmâo mơnuih apăn bruă hăng mơnuih mă bruă mut hrŏm lu hloh hăng 26 pri brơi ƀing mơnuih hơmâo tơlơi lăi glăi djơ̆ hloh, ƀiă mông hloh.

Tui Jơnum min mơnuih ƀon sang tơring čar Dak Lak, tal pơplông ƀu djơ̆ pơgôp pơtrrut kơtang amăng bruă pơtô pơblang pơplih ngă hră pơ-ar đôč ôh mơ̆ ăt lăi pơthâo tơlơi jak iâu “Kiăng pơjing gong gai tơring čar Dak Lak ră anai djru brơi mơnuih ƀon sang, rĭm čô mơnuih apăn bruă, mơnuih mă bruă hrăm mă pô kiăng thâo rơgơi, hơdip hiam klă”; lăng mơnuih ƀon sang lĕ phun, pran đăo gơnong mơng mơnuih ƀon sang lĕ kiăng sem lăng djơ̆ bruă mă mơng anih anom mă bruă mơng Kơnuk kơna.