Ƀơi anih nao čuă, khua mua tơring čar Dak Lak hơmâo mơ-it hiăp pơpŭ kơ hrơi Noel hăng ƀing khua mua, ơi khôp, ƀing đăo, mơnuih ƀôn sang đăo amăng tơring čar Noel mơak mơai hăng lăi pơthâo tơlơi pơhing boh tơhnal dưi ngă amăng djop bruă lơ̆m tơring čar thun anai. Khua mua tơring čar Dak Lak lăi pơtong, dưi hơmâo boh tơhnal anun yua hơmâo tơlơi gir run mơ̆ng abih bang mơnuih ƀôn sang, amăng anun hơmâo ƀing djru đăo khôp, đăo phrâo hiam.

Laih dơ̆ng, khua mua tơring čar Dak Lak, ăt čang rơmang ƀing khua pô pơtô, ƀing ama ơi khôp hăng mơnuih ƀôn sang đăo kơ ơi adai ăt djă pioh pơđĭ tui pran jua thâo khăp kơ lŏn ia, hrom djuai ania, pơđĭ tui boh tŭ yua amăng bruă dưi ngă laih, djru hrom lu hloh amăng bruă mă man pơdong tơring čar Dak Lak pơdrong asah, thâo rơgơi.