Dak Lak: Pơblih hơdră ngă hră pơar mơnuih ƀôn sang tŭ yua ƀiă laih
Thứ tư, 05:13, 22/02/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Lơ 21/2, Jơnum min mơnuih ƀôn sang tơring čar Dak Lak jơnum pơƀut bruă mă pơblih hơdră ngă hră pơar thun 2022, pok pơhai hơdră mă bruă amăng thun 2023.
Tơdơi kơ pơblih lu mơta amăng bruă mă anai, khua mua tơring čar pơtrun hiăp djop anom bruă, sang bruă amăng tơring čar ngă bruă tong ten hloh, ba glăi boh tŭ yua, pơsir hĭ tơlơi gun, tơlơi ngă tơnap kơ mơnuih ƀôn sang laih anun ngă hrom anom bruă sĭ mơdrô. Tui hăng boh tơhnal pơkă mrô hnong pơblih phrâo bruă ngă hră pơar thun 2021 mơ̆ng djop tơring čar, ƀôn prong yua kơ Ding jum Bruă čar pôr lĕ Dak Lak dăp hnong tal 36/63 boh tơring čar, ƀôn prong, đĭ tui 3,3 puang hăng pơblih 9 yak pơkă hăng thun 2020.
Thun 2023, Dak Lak gir run pơđĭ tui mơ̆ng 5-7 yak rơnoh dăp hnong bruă pơblih hơdră ngă hră pơar laih pơkă tơhnal pơtrun truh thun 2025, mrô pơkă tơhnal pơblih phrâo ngă hră pơar ƀơi tơring čar dăp amăng khul 20/63 boh tơring čar, ƀôn prong.
Viết bình luận