Hăng akŏ bruă ngă “Mơnuih djuai ania Việt hyu ngui amăng lŏn ia Việt-Việt Nam kâo khăp ƀu-eng”, amăng bơyan tuai hyu ngui jing bơyan pơdơi prong thun anai, anom bruă tuai hyu ngui tơring čar Dak Lak pơtrut bruă pôr pơthâo, pơdah rup rap “Dak Lak-Anih nao ngui Rơnuk rơnua, jĕ giăm, djă jă gru grua hiam kual Dap Kơdư” brơi tuai rơnguai thâo. Hneč mă plang tơlơi pơhing mơnuih mơnam Facebook, hơdôm wơ̆t jơnum pơdah thâo gơnam sĭ mơdrô, lăi pơthâo bruă tuai hyu ngui kiăng pok pơhư prong anih anom tuai hyu ngui.

Tơring čar ăt pơtum pơphun lu bruă mă gru grua hiam, jơnum ngui ngor ngă yang mơak tui hăng tơđar kah hăng hơdră pơdah atông čing anăn Jua mơñi tơ-ua glai klô čư̆ siăng, ngă yang ngui ngor mơak boh sầu riêng Krông Pač tal 2. Pơphun jơnum pơplông lu tơlơi pơrơguăt drơi jăn đơ đam dêh čar, pơplông pah boh lông đah kơmơi hăng jar kmar, dăp hơdră ba tuai hyu ngui amăng plơi pla, lăng anŏ ngui ngor đưm djuai ania, hyu amăng plơi pla ataih, lăng glai klô, blơi gơnam djă pioh, ba tuai hyu ngui tuôr lăng hmua, đang kơphê, boh sầu riêng, makka, boh troh, ƀong huă mơnong ƀong huă, añăm pơtam plơi pla.