Tui hră lăi pơthâo, 5 thun laih rơgao, tơring čar Dak Lak hơmâo pơhưč tuh pơ alin hăng pok pơhai 30 akŏ bruă bơwih brơi tuai čuă ngui hăng anih anom bơwih brơi tuai čuă ngui, abih tih 718 klai prăk. Samơ̆, mrô tuai čuă ngui pơ tơring čar rơwang anai dưm dưm giăm 4 klăk čô, rơnoh pơđĭ kyar mơng bruă bơwih brơi tuai čuă ngui rĭm thun 5,3%. Abih tih rơnoh pơhrui mơng tuai čuă ngui amăng 5 thun him lăng kơnong giăm 3.700 klai prăk.

Kiăng pơplih bơwih brơi tuai čuă ngui ƀơi ƀon lan, jơnum ba tơbiă 8 hơdră pơsir amăng rơwang pơ anăp dong, đing nao hơdôm boh tơhnal kơ bruă pơtô pơblang kiăng pơplih phrâo mơng mơnuih ƀon sang amăng pơđĭ kyar tuai čuă ngui; tŏ tui kơtưn bruă pôr pơhing, pơsur lăi pơthâo; pơgiong hơdôm hơdră pơhưč tuh pơ alin; pơđĭ kyar mơnuih mă bruă.