Hăng akŏ jơnum “Hlăk ai kơsung nao pơ anăp pơblih yua mrô”, Blan hlăk ai thun anai mơ̆ng tơdăm dra tơring čar Dak Lak amra pok pơhai 10 bruă mă prong gưl tơring čar, pơtum nao kơ bruă kah hăng: Ngă tui lu ring bruă jao kơ hlăk ai pơdưm mrô djop anih gru grua dêh čar hăng anih tuai čuă ngui; Pơphun jơnum bơkơtuai “Hlăk ai Dak Lak hăng bruă mă pơđĭ tui gru grua hiam amăng rơnuk ba yua mrô”;

Pơphun tal pơplông pơčeh phrâo tơlơi pơmin, pơčeh phrâo ia rơgơi mơ̆ng hlăk ai mut phung, hlăk ai tơdăm ngek dra muai tơring čar Dak Lak tal I; jơnum bưp ƀô̆ mơta, bơră ruai hăng khua mua tơring čar, djop gơnong bruă gah bruă mă hlăk ai,...Mơ̆ng anun, ngă tui 12 mơta tơhnal pơtrun tui hăng hơdră pơčrâo ba, git gai mơ̆ng anom bruă tơdăm dra mut phung dêh čar. H’Giang Niê, Khua git gai anom bruă tơdăm dra mut phung tơring čar Dak Lak brơi thâo: bruă mă pơblih yua mrô yơh jing bruă mă phun mơ̆ng hlăk ai Dak Lak pơtum ngă amăng blan hlăk ai thun anai.